صدر الكآبة

... عضو فعال ...

صدر الكآبة

لا تزرع الفانوس بأرْض التساهــيـــــــــل
الدّهر طيّر في عيونــــــــــك غرابـــــــــه

اللي نوى يمشي طريق الألــــف ميــــــل
لا يشْتكي بأن الـــــــــدّروب اتّــشابــــــه

وجه الشّبه بيـن الفــرحْ والغرابيــــــــل
مثل الشّبه بين الطّـبــــــل والربابـــــــه

لو كانت دموع الصّبح تبْكـــي الليـــــــل
ما كان شقّ الليل صـــــــدْر الكآبـــــــة

وان مات فيك الحلْــم من دون تأويــــل
حتى الليالي ما تعَـــــــرْف الإجابــــــة

حلّ الحصاد وطاح ســـوق المحاصيــل
والفقر متوسّد عيـــون الذيــــابــــــــه

من صهْوة البغْلة إلى صهْوة الخيـــــل
كلّ الجروح تعيش نفْس الرتابــــــــــة

حتى السّكون اللي سبق جارف السّيل
يدفع فواتير الأسى من حسابــــــــــه

لين الدّمع فاحتْ قهوْتــه بـلا هيـــــــل
من دون ما يفقد معاني الصّـــلابـــــة

يا دمْع ياللي تستفــــزّ المناديــــــــــل
وش فيك ما راعيت حـقّ القرابــــــة

العين لو تهطلك وبــــْل وهماليـــــــل
تبْكي على ضيم الليالـــي سحابــــــة

سالت من الذّكرى وجوه ومراسيــــل
تنسي الجرح نزْف الألمْ وانسكابـــه

وجْه النهار يسيل والعتمة تسيـــــــل
وكل الجهات تصيح ياااااا للغرابـــة

ما مالت الكفّة قبل ميلـة الكيـــــــــل
إلا لأن الــ... (شي ما ينحكابـــــــه)

يوم اعتلى الميزان سوق المهابيــل
حطّتْ على خشْم العدالـة ذبابــــــــة

يا راعي الفانوس خلّـي الأناجيـــــل
كل واحدن منا بيقرا كتـابــــــــــــــه

لولا عروق الشّمس تتـجرّع اللّيـــــل
ما كان شقّ الصبح صدْر الكآبــــــــة

..*..المدير العام ..*..

صحت لسانك
مشكوررررررررررررر